MAKIMAIDA MAKE DOUMA, GAIMA TAI MANAA

NOGEIMAIDO, NAUWAIMAIDO, WENEKAMAIDO,

MAKI MANA MAIDAMAKE ANI KITINEE

Dou mana ma gai mana ma dodouga mana muto magoonaa dani kitimakainee koyokaa ebatiyake gamakai. Kou mana mutoudo kodo ko :

1. Maagiyoo doukoo ? Makimanaa koou.
2. Maagiyoo gaikoo ? Makimanaa notee
3. Meiyaa Doukoo ? Inii kedaa too dou
4. Meiyaa Gaikoo ? Maki ipuwee bagee kaa gai
5. Kawedani kaa dou koo ? Maki koukoo ibo manaa kouya
6. Kawedani kaa gaikoo ? Maki kouko mee tumaidoo kou nipayaawitaida kouya
7. Menaa Doukoo ? Ito kougaa kouyatoo needou. Wadaatoko wanee koyokaa
8. Menaa Gaikoo ? Ito kougaa kouyatoo neegaii. Wadatokoo edimii tedimii medaaou
9. Kawedani tee doukoo ?

- Maki apumetee manaa wegaigaii doba kouya.

- Naiyaa agiyoo nimeete doba kouya

- Wawato api yokaa kou mageeti katii doba kouya

- Ibo Pakati ma ibo megee ma niimeete doba kouya

- Agiyoo taagiyoo niimeete doba kouya

10. Kawedani tiyakee gaaikoo ?

- Naiyagiyoo kaa ko dimi kaapumai kouya

- Enaa yagamoo magii ko aki mee ma ma akapakaa kouya

- Pakati motii kouko akiya ma kou kaadayawete kouya

- Kou manaidoo kouko aniya maki kou nayakimotinee tiyake kouya.

Koumana mutoudoo wegamakipa kouko waato woumine doba ita dodoo, dimi dodoo, kotopiyawiyake umee woo tetita notee. Kou mana mutoudoo kouko makodo yuwa dimi mana gai pigai dani ya ke makodo ugatame kidaa iniya umii tou doba nimita kouya makodo gayake ekowaipigaii. Kou manaidoo kouko ugatame kidaa kabo mana kodo dokiyake epete bageidoo ke gaamakiyake woo ekowaipigai. Koumanaido kouko ugatame kidaa kabo manaa kodo yawudetai meeka, waatoka umitou nako doyake wegamakipa.

Persi Bahasa Mee)*

Wegamakita mee ki;

Pdt. Yusak Adii; MA; M.Miss

***